عمان:
آئی سی سی مینز کرکٹ ورلڈ کپ لیگ ٹو (ICC Men’s Cricket World Cup League 2) کے ایک اہم میچ میں کینیڈا کی ٹیم نے شاندار کارکردگی کا مظاہرہ کرتے ہوئے عمان کو 58 رنز سے شکست دے دی ہے۔الامارات کرکٹ گراؤنڈ میں کھیلے گئے اس میچ میں کینیڈا نے ٹاس جیت کر پہلے خود بیٹنگ کرنے کا فیصلہ کیا۔ کینیڈین ٹیم نے مقررہ 50 اوورز میں تمام وکٹوں کے نقصان پر 256 رنز کا دفاعی اسکور بورڈ پر سجایا۔ کینیڈا کی جانب سے سمت گوہیل نے ذمے دارانہ بیٹنگ کرتے ہوئے 85 گیندوں پر 67 رنز کی اننگز کھیلی، جبکہ آدتیا وردھراجن نے 78 گیندوں پر 55 رنز بنائے۔ اس کے علاوہ اوپنر ایرون جانسن نے بھی جارحانہ انداز اپناتے ہوئے محض 20 گیندوں پر 33 رنز کی قیمتی اننگز کھیلی۔ عمان کی طرف سے حسین علی شاہ نے بہترین بولنگ کرتے ہوئے 3 کھلاڑیوں کو آؤٹ کیا، جبکہ جے اوڈیڈرا اور مجیب الرحمن نے 2، 2 وکٹیں حاصل کیں۔257 رنز کے ہدف کے تعاقب میں عمان کی پوری ٹیم 46.3 اوورز میں 198 رنز پر پویلین لوٹ گئی۔ عمان کی جانب سے حماد مرزا نے 49 رنز اور حسنین الوہاب نے 29 رنز کی اننگز کھیل کر ٹیم کو سہارا دینے کی کوشش کی، مگر وہ ٹیم کو شکست سے نہ بچ سکے۔کینیڈا کی جانب سے بولنگ میں شاندار جوہر دکھائے گئے جہاں شیل پٹیل نے انتہائی نپی تلی بولنگ کرتے ہوئے اہم اور قیمتی وکٹیں حاصل کیں اور اس شاندار کارکردگی پر انہیں میچ کے بہترین کھلاڑی (Player of the Match) کا ایوارڈ دیا گیا۔