سیالکوٹ (سلیم احمد اعوان )
تھانہ آگوکی کے علاقے مظفر پور میں غیرت کے نام پر لڑکی کے قتل میں ملوث دو ملزمان کو پولیس نے گرفتار کر لیا ہے۔
تفصیلات کے مطابق تھانہ آگوکی کے علاقے مظفر پور میں کچھ روز قبل غیرت کے نام پر 24 سالہ لڑکی رسول فاطمہ کو فائرنگ کر کے قتل کر دیا گیا تھا۔ پولیس نے واقعے کا مقدمہ درج کر کے ملزمان کی تلاش شروع کی تھی۔
پولیس نے بڑی تگ و دو اور مخبر کی اطلاع پر کامیاب چھاپہ مار کارروائی کرتے ہوئے قتل میں ملوث دو اہم ملزمان ذکی عباس اور حسن عباس کو گرفتار کر لیا ہے۔ پولیس کے مطابق گرفتار ملزمان سے مزید تفتیش جاری ہے اور قانون کے مطابق سخت سے سخت کارروائی عمل میں لائی جائے گی۔