سرگودھا (راجہ نورالہی عاطف سے)
ممتاز کالم نگار، تجزیہ کار اور سینئر صحافی ایس عبدالغفار قریشی کافی عرصے سے علیل اور صاحبِ فراش ہیں۔ گزشتہ دنوں طبیعت زیادہ خراب ہونے پر انہیں جناح اسپتال کے شعبہ امراضِ قلب میں داخل کرایا گیا، جہاں علاج کے بعد طبیعت میں کچھ بہتری آنے پر انہیں گھر منتقل کر دیا گیا۔ تاہم خدمتِ خلق کے حوالے سے ان کی مسلسل سماجی مصروفیات کے پیشِ نظر اہلِ خانہ نے انہیں گلشنِ معمار میں اپنی پھوپھی کے گھر منتقل کر دیا ہے، جہاں وہ مکمل آرام اور بروقت ادویات کے استعمال کے ساتھ زیرِ نگہداشت ہیں۔ ذرائع کے مطابق کل بروز منگل آپریشن کرنے والے ڈاکٹر سے مشاورت کے بعد دل کے آپریشن کی تاریخ جلد طے کیے جانے کا امکان ہے۔ قبل ازیں جناح نیشنل انسٹی ٹیوٹ آف کارڈیو ویسکولر ڈیزیزز کے متعلقہ حکام کی جانب سے انہیں 2 دسمبر کی تاریخ دی گئی تھی۔