عمرکوٹ رپورٹ بیوروچیف ڈاکٹر ایم لال واگھانی
سامارو: گاؤں محمد اسحاق بھٹی میں جشن عید میلاد النبی ﷺ کے سلسلے میں عظیم الشان جلسہ
سامارو: تعلقہ سامارو کے گاؤں محمد اسحاق بھٹی میں جشن عید میلاد النبی ﷺ کے سلسلے میں ایک عظیم الشان اور روح پرور جلسے کا انعقاد کیا گیا، جس میں علاقے سمیت دور دراز سے آئے ہوئے عاشقانِ رسول ﷺ نے بڑی تعداد میں شرکت کی۔
جلسے سے دعوتِ اسلامی ضلع عمرکوٹ کے مبلغ قاری نور محمد کنبھر قادری عطاری نے خصوصی خطاب کرتے ہوئے سیرتِ طیبہ ﷺ، عشقِ رسول ﷺ اور اسلامی تعلیمات پر روشنی ڈالی۔
خصوصی خطاب کرتے ہوئے حضرت علامہ مولانا احمد رضا سمیجو سہروردی نوکوٹ نے حضور اکرم ﷺ کی عظمت، شانِ اقدس اور سیرتِ پاک بیان کی، جبکہ مسلمانوں کو سنتِ رسول ﷺ پر عمل کرنے کی تلقین کی۔
محفل کی رونق حضرت علامہ مولانا الحاج غلام مصطفیٰ صابری، خطیب مدینہ جامع مسجد سامارو شہر نے اپنی علمی اور روحانی گفتگو سے مزید بڑھا دی۔
اس موقع پر معروف نعت خواں قاری حافظ عبدالرؤف سعیدی نے بارگاہِ رسالت مآب ﷺ میں عقیدت کے پھول نچھاور کرتے ہوئے نعتیہ کلام پیش کیا، جس سے محفل کا ماحول انتہائی روحانی اور پُرکیف ہوگیا۔
جلسے کے اختتام پر پیرِ طریقت، رہبرِ شریعت، قبلہ پیر احتشام جان فاروقی مجددی سرہندی، گلزار خلیل نے خصوصی دعا کرائی۔ دعا میں ملک و قوم کی سلامتی، امن و امان، خوشحالی اور امتِ مسلمہ کی بھلائی کے لیے خصوصی دعائیں کی گئیں۔
جشن عید میلاد النبی ﷺ کے اس بابرکت جلسے کا اہتمام حاجی آدم کنبھر اور کنبھر برادری، تعلقہ سامارو کی جانب سے کیا گیا تھا۔ جلسے میں علاقے کے معززین، نوجوانوں اور عاشقانِ رسول ﷺ نے بڑی تعداد میں شرکت کرکے حضور اکرم ﷺ سے اپنی محبت اور عقیدت کا اظہار کیا۔