پشاور انورزیب خان
صوبائی وزیر صحت خیبرپختونخوا خلیق الرحمان کی خصوصی ہدایات پر چکن گونیا کی وباء کے تدارک کے لیے آج بروز ہفتہ کو حلقہ پی کے 87 نوشہرہ میں گاؤں زیارت کاکا صاحب اور سپین کانی میں انسدادی سرگرمیاں جاری رہیں۔
ہیلتھ اسٹاف حسن علی کی نگرانی میں ٹی ایم اے نوشہرہ کے سپرے اسٹاف اور محکمہ صحت کے اہلکاروں نے مختلف علاقوں میں گھر گھر جا کر IRS اسپرے کیا، جبکہ عوام کو چکن گونیا اور مچھروں سے پھیلنے والی بیماریوں سے بچاؤ کے حوالے سے آگاہی بھی فراہم کی گئی۔
اس موقع پر ٹی ایم اے نوشہرہ کے سپرے اسٹاف، ہیلتھ اسٹاف اور ایل ایچ ایس نے گھروں اور اردگرد موجود کھڑے پانی کے برتنوں میں ڈینگی لاروا کی چیکنگ بھی کی اور شہریوں کو صفائی ستھرائی کا خصوصی خیال رکھنے، کھڑے پانی کو فوری ختم کرنے اور مچھروں کی افزائش کے ممکنہ مقامات کو صاف رکھنے کی تاکید کی۔
وزیر صحت خلیق الرحمان کی ہدایت پر چکن گونیا کے پھیلاؤ کی روک تھام کے لیے محکمہ صحت اور ٹی ایم اے نوشہرہ کی ٹیمیں فیلڈ میں مسلسل متحرک ہیں۔