سیالکوٹ ۔سلیم احمد اعوان شیخو
محکمہ اینٹی کرپشن اسٹیبلشمنٹ سیالکوٹ نے محمکہ تحفظ ماحولیات کے انسپکٹر کو 40 ہزار روپے رشوت لیتے ہوئے رنگے ہاتھوں گرفتار کر لیا۔بتایا گیا ہے کہ محکمہ اینٹی کرپشن اسٹیبلشمنٹ کے سرکل آفیسر رانا مبشر نے ڈائریکٹر جنرل محکمہ اینٹی کرپشن اسٹیبلشمنٹ پنجاب سہیل ظفر چٹھہ اور ریجنل ڈائریکٹر محکمہ اینٹی کرپشن اسٹیبلشمنٹ گوجرانوالہ ریجن امجد شہزاد کی کرپشن مکاؤ ہدایات پر عملدرآمد کرتے ہوئے متعلقہ جوڈیشل مجسٹریٹ کی زیر نگرانی محکمہ تحفظ ماحولیات اتھارٹی کے انسپکٹر محمود ڈوگر کو ایک دکاندار سے 40 ہزار رشوت لیتے ہوئے رنگے ہاتھوں گرفتار کر لیا۔محکمہ اینٹی کرپشن اسٹیبلشمنٹ پولیس نے مذکورہ گرفتار انسپکٹر کے خلاف مقدمہ درج کر کے تفتیش شروع کر دی ہے۔