سیالکوٹ ۔سلیم احمد اعوان شیخو
پولیس نے موٹر سائیکل چور گینگ کے 2 افراد کو گرفتار کرکے ان کے قبضہ سے 4 چوری شدہ موٹر سائیکلیں برآمد کر لیں۔بتایا گیا ہے کہ تھانہ کوتوالی پولیس نے شہریوں کی موٹر سائیکلیں چوری کرنے والے گینگ کے دو افراد محمد انس ولد محمد اکرم رہائشی کاہلووالی اور طاہر ولد محمد نسیم رہائشی پکا گڑھا کو گرفتار کر کے ان کے قبضہ سے 4 چوری شدہ موٹر سائیکلیں برآمد کر لی ہیں۔معلوم ہوا ہے کہ گرفتار افراد نے پولیس کو تفتیش کے دوران بتایا کہ وہ گنجان آباد علاقوں اور بازاروں میں کھڑی موٹر سائیکلوں کے تالے توڑ کر چوری کرتے تھے۔ پولیس ٹیم نے سیف سٹی کیمروں اور ہیومن ریسورس کی مدد سے ملزمان کو ٹریس کرکے گرفتار کیا ہے۔پولیس نے مذکورہ گرفتار شدہ افراد کے خلاف مقدمہ درج کر لیا ہے۔