سیالکوٹ ۔سلیم احمد اعوان شیخو
جائیداد کے جعلی انتقال کے ذریعے شہری کو جائیداد سے محروم کرنے کے الزام میں ملوث محکمہ اینٹی کرپشن اسٹیبلشمنٹ کی ٹیم نے پٹواری کو گرفتار کر لیا۔بتایا گیا ہے کہ محکمہ اینٹی کرپشن اسٹیبلشمنٹ سیالکوٹ نے کرپشن، جعلسازی اور ریونیو ریکارڈ میں بے ضابطگیوں میں ملوث تھانہ اینٹی کرپشن سیالکوٹ میں درج مقدمہ میں مخبری ہونے پر مطلوب اشتہاری پٹواری شکیل لطیف کو گرفتار کر لیا۔۔اینٹی کرپشن حکام کے مطابق مذکورہ پٹواری پر الزام ہے کہ اس نے ایک شخص کے ساتھ ملی بھگت کرکے جائیداد کا جعلی انتقال درج کیا۔جس کے نتیجے میں مقدمہ درج کروانے والے مدعی کو اس کی جائیداد سے محروم کیا گیا۔ محکمہ اینٹی کرپشن اسٹیبلشمنٹ ٹیم نے مذکورہ پٹواری سے تفتیش شروع کر دی ہے۔