خوشاب/سرگودھا (راجہ نورالہی عاطف سے)
انسانی زندگی سے کھیلنے والوں کو کوئی رعایت نہیں دی جائے گی ٹریفک حادثات کی وجہ بننے والے ڈرائیورز، گاڑی مالکان کے خلاف بلاامتیاز قانونی کارروائی عمل میں لائی جائے۔ ان خیالات کا اظہار آر پی او سرگودھا رینج محمدشہزاد آصف خان نے ٹریفک مینجمنٹ کے منعقدہ اجلاس کی صدارت کرتے ہوئے کیا۔ اجلاس میں ضلعی سربراہان، ایس آر آئی بی، ایس پی آپریشنز سیف سٹی، سپیشل برانچ اور پنجاب ہائی وے پٹرولنگ کے سربراہان ، ڈسٹرکٹ ٹریفک آفیسرز اور سیکریٹری آر ٹی اے نے شرکت کی۔ آر پی او نے ایس پی پٹرولنگ اور ڈسٹرکٹ ٹریفک آفیسرز کو مہلک حادثات میں انکوائری رپورٹ مرتب کرنے، ہیلمٹ اور ون وے کی خلاف ورزی پر کاروائی میں مزید تیزی لانے جبکہ بڑی شاہراہوں پر ٹریفک قوانین پر عملدرآمد یقینی بنانے کے لیے ایس پی آپریشنز سیف سٹی کے کیمروں کو جلد فعال کروانے کی ہدایت کی ۔