محمد اشفاق پسرور
اسسٹنٹ کمشنر پسرور ثنا شرافت نے چونڈہ کا خصوصی دورہ کیا جس میں
عوامی مسائل پر تفصیلی گفتگو کی گئی۔ بالخصوص پانی والی ٹینکی کے قریب قائم کچرے کے ڈمپنگ پوائنٹ سے پیدا ہونے والے ماحولیاتی، صفائی اور شہری مسائل کو اسسٹنٹ کمشنر کے نوٹس میں لایا گیا۔ علاقہ مکینوں نے اسسٹنٹ کمشنر پسرور سے ریکویسٹ کی کہ رہائشی علاقے میں قائم یہ ڈمپنگ پوائنٹ شہریوں کے لیے شدید مشکلات اور صحت کے مسائل کا باعث بن رہا ہے۔
اس موقع پر اسسٹنٹ کمشنر ثناء شرافت نے عوامی شکایات کا فوری نوٹس لیتے ہوئے ستھرا پنجاب ٹیم کو ہدایت جاری کی کہ پانی والی ٹینکی کے قریب قائم ڈمپنگ پوائنٹ کو فوری طور پر وہاں سے منتقل کرنے اور مناسب متبادل انتظامات یقینی بنانے کے لیے بلا تاخیر اقدامات کیے جائیں۔
وفد نے شہری مسائل پر فوری توجہ اور مثبت یقین دہانی پر اسسٹنٹ کمشنر کا شکریہ ادا کرتے ہوئے امید ظاہر کی کہ چونڈہ شہر میں صفائی اور دیگر عوامی مسائل کے مستقل حل کے لیے بھی عملی اقدامات جاری رہیں گے۔