چنیوٹ (فرحان بلال سے)
چنیوٹ میں بھی یومِ استحصالِ کشمیر کے موقع پر ضلعی انتظامیہ کے زیرِ اہتمام کشمیری عوام سے اظہارِ یکجہتی کے لیے ریلی نکالی گئی ۔ ریلی کی قیادت ڈپٹی کمشنر ، ڈی پی او ڈاکٹر نوید عاطف ، صدر ڈسٹرکٹ پریس کلب رجسٹرڈ چنیوٹ شاہد محمود چوہدری، ضلعی انجمن تاجران کے عہدیداران ، ممبران امن کمیٹی ، چوہدری رضوان سونی آرائیں مختلف محکموں کے ضلعی افسران، سرکاری ملازمین، ایجوکیشن افسران، اساتذہ کرام، طلبہ، وکلاء، میڈیا نمائندگان، سول سوسائٹی اور شہریوں کی بڑی تعداد نے شرکت کی۔ شرکاء نے ہاتھوں میں پاکستانی اور کشمیری پرچم اٹھا رکھے تھے جبکہ “کشمیر بنے گا پاکستان”، “ہم کشمیری عوام کے ساتھ ہیں” اور “بھارتی ظلم بند کرو” کے فلک شگاف نعرے لگائے۔ریلی کے شرکاء نے مقبوضہ جموں و کشمیر میں بھارتی مظالم، انسانی حقوق کی سنگین خلاف ورزیوں اور 5 اگست 2019 کے یکطرفہ اور غیر قانونی اقدامات کے خلاف شدید احتجاج ریکارڈ کرایا اس موقع پر ایم ڈی اقبال رائس ملز چوہدری مسعود اقبال نے خطاب کرتے ہوئے کہا کہ ھم عالمی برادری سے مطالبہ کرتے ہیں کہ وہ کشمیری عوام پر ڈھائے جانے والے مظالم کا فوری نوٹس لے اور اقوام متحدہ کی قراردادوں کے مطابق انہیں حقِ خودارادیت دلانے کے لیے اپنا کردار ادا کرے۔ ڈپٹی کمشنر نے کہا کہ یومِ استحصالِ کشمیر کشمیری عوام کی جدوجہدِ آزادی، قربانیوں اور استقامت کی یاد دلاتا ہے۔ پاکستان ہمیشہ کی طرح کشمیری عوام کی سیاسی، سفارتی اور اخلاقی حمایت جاری رکھے گا ۔ڈی پی او نے اپنے خطاب میں کہا کہ کشمیری عوام کی لازوال قربانیاں رائیگاں نہیں جائیں گی۔ پوری پاکستانی قوم اپنے کشمیری بھائیوں کے ساتھ ہے اور ان کی جدوجہدِ آزادی کی مکمل حمایت کرتی رہے گی دیگر مقررین نے کہا کہ آج کے دن اکٹھے ہونے کا مقصد اپنے کشمیری بھائیوں کے ساتھ اظہار یک جہتی کرنا ہے 80سال سے زائد عرصہ گزر گیا ہے لیکن اقوام متحدہ اس مسئلے کا حل نکالنے میں مکمل طور پر ناکام ہو چکا ہے ھم پاکستانی فوج کے فیلڈ مارشل سید عاصم منیر کی مکمل اعتماد کا اظہار کرتے ہیں شہدائے وطن کی شہادتوں کا تمسخر اڑانے والوں کا پاکستان کے ساتھ کوئی تعلق نہیں ہے ھم اپنی سیکورٹی اداروں کے شانہ بشانہ کھڑے ہیں