صوابی ( حق نواز خان)
یومِ شہدائے خیبر پختونخوا پولیس: یومِ شہدائے خیبر پختونخوا پولیس کے موقع پر ڈسٹرکٹ پولیس آفیسر صوابی وقاص رفیق نے شہید اے ایس پی سلمان آیاز کی آخری آرام گاہ پر حاضری دی اور ان کی عظیم قربانی کو خراجِ عقیدت پیش کیا۔اس موقع پر پولیس کے چاق و چوبند دستے نے شہید کو سلامی پیش کی۔ ڈی پی او صوابی وقاص رفیق نے شہید کے والد (ر) بریگیڈیئر آیاز خان، ڈی ایس پی سرکل صوابی انور خان، ڈی ایس پی فضل شیر خان، ایس ایچ او تھانہ صوابی شہزاد خان، ٹریفک انچارج جناب علی خان اور دیگر پولیس افسران کے ہمراہ شہید کی قبر پر پھولوں کی چادر چڑھائی، فاتحہ خوانی کی اور شہید کے درجات کی بلندی، مغفرت اور اہلِ خانہ کے لیے صبرِ جمیل کی دعا کی۔