مورو رپورٹ ( محمد اسلم مغل)
مورو میں برسات اور سیلاب سے متاثرہ افراد نے گھروں کی تعمیر کے لیے ملنے والے فنڈز میں غیر قانونی کٹوتی کے خلاف احتجاجی مظاہرہ کیا۔ مظاہرے کی قیادت محمد بخش عظیم چانڈیو، ذوالفقار اعجاز اور دیگر نے کی۔مظاہرین نے الزام لگایا کہ
NRCB
بینک مورو کے عملداروں کی ملی بھگت سے 5 سے 10 ہزار روپے تک ایجنٹوں کے ذریعے زبردستی کٹوتی کی جا رہی ہے۔ بینک کے باہر بیٹھے پرائیویٹ ایجنٹوں کے بغیر کسی متاثرہ کو رقم نہیں دی جا رہی۔انہوں نے اعلیٰ حکام سے مطالبہ کیا کہ ملوث بینک افسران اور ایجنٹوں کے خلاف فوری کارروائی کی جائے، کٹوتی کا سلسلہ بند کرایا جائے اور متاثرین کو ان کا پورا حق دیا جائے۔