سیالکوٹ (سلیم احمد اعوان شیخو)
شوہر اور سسرالیوں نے مبینہ طور پر بہو کو قتل کر دیا۔بتایا گیا ہے کہ نارووال میں شوہر نے مبینہ طور پر اپنے گھر والوں سے مل کر اپنی بیوی ندا شاہین کا گلا دبا کر قتل کر دیا اور لاش کو آگ لگا کر جلا دیا۔مقتولہ ندا شاہین کی تقریبا 3 ماہ قبل شادی ہوئی تھی اور وہ اپنے میکے میں تھی۔پولیس کے مطابق ندا شاہین کا شوہر حماد سہیل اس کو چند روز قبل صلح کر کے اپنے گھر لایا تھا لیکن صلح کے باوجود دونوں میاں بیوی میں جھگڑا رہتا تھا اور مبینہ طور پر ندا کے شوہر نے اس کو دھکے مار کر گھر سے باہر نکال دیا جاتا تھا لیکن دوبارہ جھگڑا ہونے پر شوہر اور سسرالیوں نے ندا کا گلا دبا کر اس کو قتل کر دیا جبکہ لاش کو آگ لگا کر جلا دیا گیا۔پولیس نے مقدمہ درج کر کے ندا کے شوہر حماد سہیل اور سسر کو گرفتارکر لیا جبکہ مقتولہ کی لاش پوسٹ مارٹم کے لئے ڈسٹرکٹ ہیڈ کوارٹر ہسپتال نارووال منتقل کر دی گئی ہے