جیکب آبادرپورٹ مجیب کھوسو
جیکب آباد کے تھانہ دل مراد کی حدود میں بھائی نے بھائی کو ق ت ل کردیا، واقعے کے بعد علاقے میں خوف و ہراس پھیل گیا۔ تفصیلات کے مطابق سوئی کے رہائشی دو بھائی احمد بخش بگٹی اور حضور بخش بگٹی اپنے ماموں کے پاس گھومنے کے لیے بھادر پور آئے ہوئے تھے، جہاں رقم کی ضمانت کے معاملے پر دونوں بھائیوں کے درمیان تنازع کھڑا ہوگیا۔پولیس ذرائع کے مطابق تلخ کلامی کے دوران ملزم حضور بخش بگٹی نے مبینہ طور پر اپنے بھائی احمد بخش بگٹی پر فائرنگ کردی، جس کے نتیجے میں وہ شدید زخمی ہوگیا اور موقع پر ہی دم توڑ گیا۔ واقعے کی اطلاع ملنے پر دل مراد پولیس موقع پر پہنچ گئی اور لاش کو تحویل میں لے کر ضروری کارروائی کے بعد پوسٹ مارٹم کے لیے اسپتال منتقل کردیا۔پولیس ذرائع کا کہنا ہے کہ ابتدائی طور پر ق ت ل کی وجہ رقم کی ضمانت کا تنازع بتایا جارہا ہے، تاہم واقعے کی مزید تفتیش جاری ہے۔