چنیوٹ(فرحان بلال سے)
تین محرم الحرام کو برآمد ہونے والے جلوسوں،مجالس پر چنیوٹ پولیس کی جانب سے سخت سیکیورٹی انتظامات کو یقینی بنایاجارہاہے۔ضلع بھر میں تین سو سے زائد پولیس افسران و جوان سیکیورٹی کے فرائض سرانجام دے رہے ہیں۔ ڈسٹرکٹ پولیس آفیسر ڈاکٹر نوید عاطف نے رجوعہ سادات کا وزٹ کیا،امام بارگاہ کربلا پر مجلس ڈیوٹی کا جائزہ لیا ڈیوٹی پر موجود افسران و جوانوں کو ہدایات دیں۔بعدازاں ڈی پی او ڈاکٹر نوید عاطف،ڈپٹی کمشنر میڈم عائشہ رضوان نے بھوانہ شہر کا وزٹ کیا،افسران نے منتظمین سے ملاقات کی سیکیورٹی و دیگر انتظامات سے متعلق تبادلہ خیال کیا۔افسران نے مجالس جلوسوں پر سیکیورٹی انتظامات کا جائزہ لیا۔افسران نے جلوسوں کے روٹس کا وزٹ کیا سیکیورٹی انتظامات سے متعلق ہدایات دیں۔ افسران نے روٹس پر ٹربل پوائنٹس،سیکیورٹی و دیگر انتظامات سے متعلق ہدایات دیں۔ اس موقع پر گفتگو کرتے ہوئے ڈی پی او ڈاکٹر نوید عاطف کا کہنا تھاکہ محرم الحرام میں تمام وسائل بروئے کار لاتے ہوئے تمام الائیڈ ڈیپارٹمنٹس کے انتظامات کو یقینی بنایا جارہاہے۔مجالس،جلوسوں پر سخت سیکیورٹی انتظامات کرتے ہوئے عزاداروں کی حفاظت کو یقینی بنایا جائے گا۔ڈپٹی کمشنر میڈم عائشہ رضوان نے گفتگو کرتے ہوئے کہا کہ تمام وسائل بروئے کار لاتے ہوئے تمام الائیڈ ڈیپارٹمنٹس اپنے انتظامات کو یقینی بنارہے ہیں