شہدادپور (رپورٹ عمران قمر )
سندھ گرین فاؤنڈیشن کے تعاون سے معذور بچوں، مردوں اور خواتین میں وہیل چیئر، ٹرائی سائیکل اور دیگر سامان تقسیم کرنے کی تقریب کا انعقاد کیا گیا۔ تقریب کے دوران 150 سے زائد معذور افراد میں وہیل چیئرز، ٹرائی سائیکلز، سماعت کے آلات، بیساکھی، کہنی کی چھڑی اور واکر تقسیم کیے گئے۔
تقریب میں اسسٹنٹ کمشنر شہداد پور قمر الدین راہپوٹو، پیپلز پارٹی کے ضلعی رہنما دادا شیر محمد ڈیرو، ڈی ای پی ڈی کے ریجنل ڈائریکٹر نثار احمد بروہی. چیف میونسپل آفیسر سانگھڑ عبدالحفیظ جمالی، ایڈیشنل ڈائریکٹر سوشل ویلفیئر ڈیپارٹمنٹ شفقت سولنگی، محکمہ ترقی نسواں کے ساجد صدر، معروف ایڈوکیٹ طارق محمود آرائیں، سماجی و صحافتی شخصیت ارشاد ظفر بخاری، راؤ یوسف سندھ گرین فاؤنڈیشن کے بانی نور منگی، اور مختلف سرکاری افسران، سماجی رہنمائوں اور کمیونٹی کے نمائندوں نے شرکت کی۔ مقررین نے معذور افراد کی فلاح و بہبود، بحالی، بااختیار بنانے اور سماجی شمولیت کی اہمیت پر زور دیا اور ایسے پروگراموں کی حوصلہ افزائی کا یقین دلایا۔ ۔ اس موقع پر خصوصی افراد میں سامان تقسیم کیا گیا۔