دیر بالا(بیورو چیف ریاض ابوالخیل)
دیر بالا: ڈسٹرکٹ پولیس آفیسر دیر بالا اسلم نواز () کی خصوصی ہدایات پر تھانہ واڑی پولیس نے جعلی کرنسی کے خلاف کامیاب کارروائی کرتے ہوئے ملزم کو گرفتار کر لیا۔ایس ڈی پی او سرکل واڑی فخری عالم خان کی نگرانی میں ایس ایچ او تھانہ واڑی نے کارروائی کے دوران ملزم رحمت اللہ سکنہ منڈا لوئر دیر کو گرفتار کر کے اس کے قبضے سے 09 عدد جعلی پاکستانی کرنسی نوٹ برآمد کر لیے۔
تھانہ واڑی پولیس نے ملزم کے خلاف مقدمہ درج کر کے مزید تفتیش شروع کر دی ہے۔ ڈی پی او دیر بالا نے کامیاب کارروائی پر پولیس ٹیم کو شاباش دیتے ہوئے کہا کہ جعلی کرنسی اور دیگر جرائم میں ملوث عناصر کے خلاف بلاامتیاز کارروائیاں جاری رہیں گی۔