خانیوال(اصغر علی جعفری نمائندہ بے نقاب نیوز )
کبیروالا روڈ آدھی والا کے قریب پیش آنے والے المناک ٹریفک حادثے میں ایک ہی خاندان کے تین افراد جاں بحق جبکہ ایک شدید زخمی ہو گیا۔جاں بحق ہونے والوں میں شامل ہیں: 1. محمد ظفر، قوم سنگا 2. بیگم حضوراں مائی 3. 3 سالہ معصوم بچی ایمن
جبکہ 35 سالہ شمشاد زخمی ہوا جسے ریسکیو 1122 نے ڈی ایچ کیو ہسپتال منتقل کر دیا۔جاں بحق افراد کا تعلق موضع جسو کانویں، چاہ ریتڑی والا سے ہے۔ حادثے کے بعد گھر میں صف ماتم بچھ گئی اور پورا علاقہ شدید سوگ میں ڈوب گیا ہے۔اہل علاقہ نے ڈپٹی کمشنر خانیوال اور ڈی پی او خانیوال سے مطالبہ کیا ہے کہ غریب محنت کش فیملی کے ساتھ پیش آنے والے اس دلخراش حادثے کا فوری نوٹس لیتے ہوئے بس سروس کے ذمہ داران کے خلاف سخت قانونی کارروائی کی جائے اور متاثرہ خاندان کو انصاف فراہم کیا جائے۔