کلورکوٹ: کلورکوٹ پولیس نے اغواء کے بعد قتل ہونے والے نوجوان محمد بلال کے مقدمے کا سراغ لگا لیا۔
پولیس کے مطابق 22 مئی 2026 کو محمد بلال کے لاپتہ ہونے پر مقدمہ درج کیا گیا تھا۔ تفتیش کے دوران جدید ٹینالوجی اور ہیومن انٹیلی جنس. کی مدد سے انکشاف ہوا کہ رضیہ بی بی، اعزاز اللہ، وسیم، زبیر اور شاہد نے مبینہ طور پر بلال کو اغواء کرنے کے بعد قتل کر دیا اور نعش گھر کے صحن میں دفن کر دی۔ ہولیس نے کارروائی کرتے ہوئے مقتول کی نعش گھر کے صحن سے برآمد کر کے پوسٹ مارٹم کروایا، جبکہ مقتول کا موٹر سائیکل، آلہ قتل اور دیگر شواہد بھی قبضے میں لے لیے گئے۔ پولیس نے ملزمان کو گرفتار کر کے جوڈیشل ریمانڈ پر جیل بھجوا دیا۔
