ہنگورجہ (رپورٹ فیاض محسن سولنگی)
ہنگورجہ میں محرم الحرام کے حوالے سے ریجنل یونین آف جرنلسٹس سندھ کے صدر غلام عباس بھنبھرو اور سکھر ڈویژن کے صدر عبدالمجید بھنبھرو کی ہدایات پر ایک اہم اجلاس منعقد کیا گیا، جس کی صدارت ریجنل یونین آف جرنلسٹس ضلع خیرپور کے ڈپٹی جنرل سیکریٹری حاجی نیاز احمد دایو نے کی۔اجلاس میں ریجنل یونین آف جرنلسٹس تعلقہ صوڀودیرو کے صدر کفایت علی جانوری، ڈپٹی جنرل سیکریٹری فیاض محسن سولنگی، ورکنگ کمیٹی کے وائس چیئرمین غلام عابد سہتو، سٹی ہنگورجہ کے صدر نادر علی سہتو، جنرل سیکریٹری عبدالوحید جانوری سمیت یونین کے مختلف عہدیداران اور اراکین نے بڑی تعداد میں شرکت کی۔اجلاس کے دوران محرم الحرام کے مقدس مہینے میں امن، بھائی چارے، مذہبی ہم آہنگی اور صحافتی ذمہ داریوں کے حوالے سے تفصیلی تبادلۂ خیال کیا گیا۔ شرکاء نے اس بات پر زور دیا کہ محرم الحرام کے دوران صحافیوں کو ذمہ داری، غیر جانبداری اور احتیاط کے ساتھ اپنے فرائض انجام دینے چاہئیں تاکہ کسی بھی قسم کی غلط فہمی یا انتشار کو روکا جا سکے۔اجلاس میں محرم الحرام کے دوران نکلنے والے ماتمی جلوسوں، مجالس اور دیگر مذہبی تقریبات کی کوریج کے حوالے سے بھی تفصیلی غور و خوض کیا گیا۔ مقررین نے کہا کہ صحافی برادری کا فرض ہے کہ وہ درست، مستند اور متوازن رپورٹنگ کے ذریعے امن، محبت اور رواداری کا پیغام عام کرے۔اس موقع پر حاجی نیاز احمد دایو نے خطاب کرتے ہوئے کہا کہ محرم الحرام اسلامی تاریخ کا نہایت اہم مہینہ ہے، جس میں حضرت امام حسینؑ اور ان کے جانثار ساتھیوں کی عظیم قربانیوں کو یاد کیا جاتا ہے۔ انہوں نے کہا کہ صحافیوں کو چاہیے کہ وہ اپنے قلم اور کیمرے کے ذریعے کربلا کے پیغام، حق، سچائی، صبر اور قربانی کے فلسفے کو اجاگر کریں۔اجلاس میں یہ بھی فیصلہ کیا گیا کہ محرم الحرام کے دوران صحافی برادری ضلعی انتظامیہ، پولیس اور دیگر متعلقہ اداروں کے ساتھ مکمل تعاون کرے گی اور امن و امان کی صورتحال کو بہتر بنانے کے لیے اپنا مثبت کردار ادا کرے گی۔اجلاس کے اختتام پر ملک کی سلامتی، سندھ میں امن و امان، فرقہ وارانہ ہم آہنگی اور محرم الحرام کے پرامن انعقاد کے لیے خصوصی دعائیں کی گئیں، جبکہ ریجنل یونین آف جرنلسٹس کی قیادت کی ہدایات پر عمل کرتے ہوئے صحافتی ذمہ داریوں کو احسن انداز میں نبھانے کے عزم کا اظہار بھی کیا گیا۔