سیالکوٹ (سلیم احمد اعوان شیخو) ضلع نارووال کی تحصیل شکر گڑھ کے تھانہ کوٹ نیناں کے علاقہ بودلہ چینال میں 5 افراد کا سی سی ڈی کے آفیسر پر قاتلانہ حملہ۔بتایا گیا ہے کہ ضلع نارووال کی تحصیل شکر گڑھ کے تھانہ کوٹ نیناں کے علاقہ بودلہ چینال کے رہائشی سی سی ڈی آفیسر ذیشان نے ایک پائپ فٹر محمد اکرم کو اپنے گھر کی ایک ٹونٹی درست کرنے کا کہا تھا لیکن مذکورہ پائپ فٹر نے ٹونٹی درست نہ کی تو مذکورہ سی سی ڈی آفیسر نے پائپ فٹر کی دکان پر جا کر اس کو باور کروایا کہ میں اپنے گھر کی ٹونٹی درست کرنے کے لئے کہا تھا تو پائپ فٹر محمد اکرم نے کہا کہ جاؤ میں تمہاری ٹونٹی ٹھیک نہیں کروں گا جس پر سی سی ڈی آفیسر ذیشان نے کہا تم نے وعدہ خلافی کی ہے تو اس بات پر تلخ کلامی شروع ہو گئی تو مذکورہ پائپ فٹر محمد اکرم نے اپنے ساتھیوں محمد اکمل،مزمل اور دو نامعلوم افراد کے ساتھ اسلحہ،ہتھوڑا اور ڈنڈوں کے ساتھ سی سی ڈی آفیسر ذیشان پر حملہ کر دیا اور سی سی آفیسر کا کان کے گیا۔تھانہ کوٹ نیناں پولیس نے مذکورہ پائپ فٹر اور اس کے ساتھیوں کے خلاف مقدمہ درج کر کے پائپ فٹر اور اس کے ساتھیوں کے گرفتاری کے چھاپے مارنے شروع کر دئیے ہیں۔
