لاہور:پاکستان کرکٹ بورڈ (پی سی بی) نے زمبابوے کے خلاف آئندہ ماہ سے شروع ہونے والی ون ڈے سیریز کیلئے قومی ویمنز ٹیم کا اعلان کردیا ہے۔ ویمن اسکواڈ میں مومنہ ریاست ڈیبیو کریں گی۔
🚨 Pakistan ODI squad for the three-match series against Zimbabwe starting 4 May 🗓️
Uncapped Momina Riasat has been included in the 15-member squad 🏏
Read more ➡️ https://t.co/G19su3V8RW#PAKWvZIMW | #BackOurGirls pic.twitter.com/nUkpPkAx23
— Pakistan Cricket (@TheRealPCB) April 26, 2026
تفصیلات کے مطابق زمبابوے کے خلاف قومی ٹیم کی قیادت فاطمہ ثنا کریں گی جبکہ مومنہ ریاست کو پہلی بار ون ڈے اسکواڈ کا حصہ بنایا گیا ہے۔ زمبابوے کی ویمن ٹیم ون ڈے سیریز کیلئے 29اپریل کو پاکستان پہنچے گی۔
دونوں ٹیموں کے مابین ون ڈے سیریز کا آغاز 4مئی سے ہوگا۔ پاکستان کرکٹ بورڈ کا کہنا ہے کہ قومی ویمن اسکواڈ مہمان ٹیم کے خلاف سنسنی خیز ون ڈے سیریز کھیلنے کیلئے پر عزم ہے۔
خیال رہے کہ زمبابوے اور پاکستان کی ویمن ٹیموں کے مابین 3 میچز پر مبنی ون ڈے سیریز کراچی میں کھیلی جائے گی۔ ون ڈے سیریز کے علاوہ دونوں ٹیموں کے مابین ٹی 20 سیریز کے مقابلے بھی ہوں گے جس کی تیاریاں جاری ہیں۔
پی سی بی حکام کے مطابق یہ سیریز خواتین کرکٹ کے فروغ، نوجوان کھلاڑیوں کو موقع دینے اور آئی سی سی ویمنز چیمپئن شپ میں بہتر کارکردگی کیلئے اہمیت کی حامل ہے۔