کراچی:مارکیٹ میں حصص کی فروخت کے رجحان کے دباؤ کی وجہ سے انڈیکس میں تین ہزار پوائنٹس کی کمی ریکارڈ کی گئی ہے، جس کے بعد 100 انڈیکس ا1 لاکھ 80 ہزار 992 پوائنٹس کی سطح تک گر گیا۔
سٹاک ایکسچینج میں کاروبار کا آغاز مثبت انداز میں ہوا، تاہم آغاز میں حصص کی قدر میں ہونے والا اضافہ اس وقت کم ہو گیا جب مارکیٹ میں بینکوں کےشعبے کے مالیاتی نتائج کا اعلان شروع ہوا۔
سٹاک مارکیٹ کے تجزیہ کاروں کےمطابق بینکوں کےشعبے میں ایک بڑے اسلامی بینک کی جانب سے شیئر ہولڈز کے لیے کم منافع کے اعلان کی وجہ سے مارکیٹ میں منفی کا رجحان پیدا ہوا۔
اس کے ساتھ تیل و گیس کے شعبے میں ریکو ڈک منصوبے میں کام کرنے والے باراک گولڈ کمپنی کے چیف ایگزیکٹو کے جانب سے آنے والے بیان نے بھی مارکیٹ میں منفی رجحان کو فروغ دیا ہے۔
ان دو کمپنیوں کے حصص میں کمی نے مارکیٹ انڈیکس میں 900 پوائنٹس تک کمی کی۔
کمپنی کے چیف ایگزیکٹو نے سکیورٹی کی صورتحال سے متعلق بیان دیا تھا۔