علاج کرانے چلے تھے، ہڈیاں تڑوا بیٹھے! بھکر میں سرکاری ایمبولینس سے مریض اسٹریچر سمیت سڑک پر جا گرا،

تحریر:ملک سمیع اللہ
جہاں لفظ بے نقاب ہوں۔۔۔ وہیں سے سچ کا آغاز ہوتاہے

جنڈانوالہ سے بھکر ریفر کیے جانے والے مریض عالم خان کو علاج کے بجائے سرکاری غفلت کا سامنا کرنا پڑا، جب تیز رفتار ایمبولینس دورانِ سفر اچانک کھل گئی اور مریض سٹریچر سمیت سڑک پر جا گرا۔ یوں بیماری کے ساتھ ساتھ ٹوٹے بازو اور ٹانگ بھی ’’تحفے‘‘ میں مل گئے۔
عینی شاہدین کے مطابق ایمبولینس حد سے زیادہ رفتار میں تھی جبکہ دروازہ درست طریقے سے لاک نہیں کیا گیا تھا، جس کا خمیازہ مریض کو شدید زخمی ہو کر بھگتنا پڑا۔ واقعے کے بعد عالم خان نے اسی ایمبولینس میں دوبارہ بیٹھنے سے انکار کر دیا اسے زندگی پیاری ہے اس لئے مزید “سہولت” کی ضرورت نہیں تھی۔
معاملہ سامنے آنے پر ڈپٹی کمشنر بھکر احسان علی جمالی نے نوٹس لیتے ہوئے فوری انکوائری کا حکم دے دیا اور ذمہ داروں کے خلاف سخت کارروائی کی یقین دہانی کرائی ہے۔