لیبیا : چیف آف آرمی اسٹاف اور چیف آف ڈیفنس فورسز فیلڈ مارشل سید عاصم منیر نے لیبیا کا سرکاری دورہ کیا، جہاں انہوں نے لیبیا کی مسلح افواج کے کمانڈر اِن چیف فیلڈ مارشل خلیفہ بیلقاسم ہفتار سے اہم ملاقات کی۔آئی ایس پی آر کے مطابق ملاقات کے دوران پاکستان اور لیبیا کے درمیان دفاعی تعاون کو مزید فروغ دینے پر تفصیلی تبادلہ خیال کیا گیا۔ دونوں فریقین نے خطے میں بدلتی ہوئی سیکیورٹی صورتحال، مشترکہ تربیتی پروگرامز، پیشہ ورانہ عسکری تعاون اور انسداد دہشت گردی کے شعبوں میں اشتراک بڑھانے پر زور دیا۔
#ISPR
Rawalpindi, 18 December, 2025Field Marshal Syed Asim Munir, NI (M), HJ, #COAS & CDF, who is on a official visit to #Libya, called on Field Marshal Khalifa Belqasim Haftar, Commander-in-Chief of the Libyan Arab Armed Forces and Lieutenant General Saddam Khalifa Haftar,… pic.twitter.com/9niEYagnlt
— Pakistan Armed Forces News 🇵🇰 (@PakistanFauj) December 18, 2025
ملاقات میں اس امر پر بھی اتفاق کیا گیا کہ پاکستان اور لیبیا کے درمیان عسکری روابط کو مضبوط بنانے سے نہ صرف دونوں ممالک کے دفاعی اداروں کی پیشہ ورانہ صلاحیتوں میں اضافہ ہوگا بلکہ علاقائی امن و استحکام کے فروغ میں بھی مدد ملے گی۔
دورے کے موقع پر لیبئین عرب آرمڈ فورسز کی جانب سے فیلڈ مارشل سید عاصم منیر کو گارڈ آف آنر پیش کیا گیا، جو دونوں ممالک کے درمیان قریبی دفاعی تعلقات اور باہمی احترام کی علامت ہے۔
آئی ایس پی آر کے مطابق فیلڈ مارشل سید عاصم منیر کے اس دورے کو پاکستان اور لیبیا کے درمیان دوطرفہ دفاعی تعاون کے ایک اہم سنگِ میل کے طور پر دیکھا جا رہا ہے، جس سے مستقبل میں عسکری سطح پر تعاون کے نئے مواقع پیدا ہونے کی توقع ہے۔