لکھ پتی بھکاری،سوشل میڈیا سیلیبریٹی شوکت ٹریفک حادثے میں جاں بحق

ملتان:سوشل میڈیا پر وائرل انگریزی میں بھیک مانگنے والے شوکت المعروف شوکت بھکاری مظفرگڑھ کے گاؤں جھینگر ماڑھا کے قریب ایک ٹریفک حادثے میں ہلاک ہوگئے ہیں۔
مقامی ریسکیو ذرائع کے مطابق شوکت کی موٹر سائیکل ایک لوڈر رکشے سے ٹکرا گئی اور موقع پر ہی ان کی موت واقع ہوئی۔

یاد رہے سوشل میڈیا پر وائرل شوکت کا کہنا تھا کہ وہ علی پور، شاہ جمال اور ملتان مختلف جیسے شہروں میں پائے جاتے ہیں اور بھیک مانگ کر مہینے کا 30 ہزار کماتے ہیں۔ انہوں نے بتایا کہ وہ جہاں بھی جاتے ہیں مفت کھانا کھاتے ہیں اور ان کا پیٹرول اور ڈیزل کا خرچہ نہیں آتا۔
ان کا دعویٰ تھا کہ بھیک مانگ مانگ کر انہوں نے 48 لاکھ روپے سے زائد کا بینک بیلنس بنا لیا ہے اور ان کی ملتان اور شاہ جمال میں دو کوٹھیاں بھی ہیں۔۔ انکے تمام بچے زیرتعلیم ہیں اور ان کا کہنا تھا کہ ان کی دولت اب ان کے بچوں کے کام آئے گی۔