(سرگودھا)رپورٹ: راجہ نورالہی عاطف
ریجنل آفس سرگودھا میں صوبائی محتسب آفس کی 30ویں سالگرہ کے سلسلے میں ایک پروقار تقریب منعقد ہوئی، جس میں کمشنر سرگودھا ڈویژن حافظ شوکت علی، آر پی او شہزاد آصف خان، ڈپٹی کمشنر حسین احمد رضا چوہدری اور ایڈوائزر صوبائی محتسب سرگودھا ریجن محمد الیاس گل سمیت دیگر افسران نے شرکت کی۔
تقریب سے اہم خطابات و نكات:
-
کمشنر سرگودھا حافظ شوکت علی: تمام عملے کو سالگرہ کی مبارکباد دیتے ہوئے کہا کہ ڈویژنل انتظامیہ اور صوبائی محتسب آفس مل کر عوام کو مفت اور فوری انصاف فراہم کر رہے ہیں۔ انہوں نے محتسب آفس کے ساتھ بہترین رابطہ کاری کی تعریف کی-
-
آر پی او شہزاد آصف خان: آر پی او نے ریجن کے چاروں اضلاع کے ڈی پی اوز کو ہدایت کی کہ صوبائی محتسب آفس سے موصول ہونے والی عوامی شکایات پر فوری ایکشن یقینی بنایا جائے-
-
سیکریٹری صوبائی محتسب قیصر سلیم: انہوں نے انکشاف کیا کہ اصلاحات، ڈیجیٹائزیشن اور عوامی خدمت پروگرام کی بدولت گزشتہ سال ریکارڈ تقریباً 70 ہزار درخواستیں موصول ہوئیں، جبکہ اس سے قبل یہ تعداد 35 ہزار تک محدود تھی-
-
ایڈوائزر محمد الیاس گل: انہوں نے بتایا کہ صوبائی محتسب عائشہ حامد کی متعارف کردہ اصلاحات اور موبائل وین پروگرام کے ذریعے دور دراز علاقوں کے شہریوں سے تقریباً 5 ہزار درخواستیں موقع پر موصول کر کے ازالہ کیا گیا-
تقریب کا اختتام: تقریب کے اختتام پر معزز مہمانوں اور افسران میں یادگاری شیلڈز تقسیم کی گئیں، جس کے بعد کمشنر، آر پی او اور دیگر افسران نے مشترکہ طور پر ادارے کی 30ویں سالگرہ کا کیک کاٹا۔