یوکوہاما ، جاپان :وزیراعلی پنجاب مریم نواز شریف 5 روزہ دورہ جاپان کے پہلے روز یوکوہاما پہنچ گئیں،پنجاب میں سڑکوں اور عمارتوں کا تعمیراتی معیار جاپان کے برابر لانے پر وفود کی سطح پر بات چیت کی گئی۔
وزیراعلی پنجاب مریم نواز شرف 20 سال میں جاپان کا سرکاری دورہ کرنے والی پہلی وزیراعلی ہیں انہوں نے دورے کا آغاز جاپان کے تجارتی، معاشی اور ثقافتی مرکز ‘یوکو ہاما ‘ (Yokohama) شہر کےدورہ سے کیا ہے۔’کن ہن’ ریجن میں واقع ٹوکیو، کاواساکی اور یوکو ہاما کے تین شہر جاپان کا صنعتی زون کہلاتے ہیں جبکہ’یوکوہاما’ آبادی کے لحاظ سے جاپان کا دوسرا بڑا شہر ہے۔
وزیر اعلیٰ مریم نواز شریف نے ماحولیاتی آلودگی کے خاتمے اور شہروں کی جدید خطوط پر تعمیر وترقی کے لیے جاپان کے تجربات سے سیکھنے کا فیصلہکیا ہے جبکہیوکوہاما اور صوبہ پنجاب میں ماحولیات اور شہروں کو جدید ترقیاتی نظام فراہم کرنے سمیت مختلف شعبوں میں ‘سٹی ٹو سٹی’ تعاون پر اتفاق کیاگیا۔
وزیر اعلی پنجاب مریم نواز شریف اور ان کے وفد کو یوکو ہاما کے ٹاؤن ہال میں اربن ڈویلپمنٹ پر بریفنگ دی گئی
پنجاب میں سڑکوں اور عمارتوں کا تعمیراتی معیار جاپان کے برابر لانے پر بات چیت کی گئی جبکہ راوی اربن ڈویلپمنٹ اتھارٹی(روڈا) اور یوکو ہاما میں تعاون کے مختلف امکانات پر غور کیا گیا۔
لاہور اسلام آباد کے درمیان تیز رفتار ٹرین چلانے اور ریلوے اپ گریڈیشن میں تعاون کے امکانات کا بھی جائزہ لیا گیا
وزیر اعلیٰ مریم نواز شریف نے جدید ترین جاپانی چیئر لفٹ اور ائیر کیبن منصوبوں کا جائزہ لیا۔
مئی 2025 میں ایشیائی ترقیاتی بنک کی سالانہ کانفرنس ‘یوکوہاما’ کو پورے ایشیا میں ماحولیاتی بہتری کے حوالے سے سب سے ترقی یافتہ شہر قرار دے چکی ہے۔
وزیراعلی مریم نواز جاپان کے پانچ دن کے دورے پر ہیں۔