بھریا سٹی: (رپورٹر: مجاہد علی مغل )
طویل عرصے سے جاری تنازعہ کے پرامن حل اور فریقین کے درمیان صلح کے لیے ایم پی اے ممتاز خان چانڈیو کے بنگلے پر اہم جرگہ منعقد ہوا۔ جرگے میں خاصخیلی، مشوری اور سولنگی برادریوں کے ذمہ دار فریقین اور معزز شخصیات نے شرکت کی۔جرگے کے دوران تمام فریقین کے مؤقف اور دلائل نہایت توجہ اور غور سے سنے گئے۔ اس موقع پر تنازعہ کے منصفانہ اور پائیدار حل کے لیے مقرر کردہ امینوں کو باضابطہ طور پر فیصلے اور فتویٰ کی تیاری کے لیے غور و فکر کی ذمہ داری سونپ دی گئی۔اطلاعات کے مطابق امین حضرات کی مشاورت کے بعد جلد ہی حتمی فیصلے اور فتویٰ کا اعلان کیا جائے گا، جس کا تینوں برادریوں کے فریقین کو شدت سے انتظار ہے۔ فتویٰ کے باضابطہ اجرا کے بعد مزید تفصیلات سامنے آئیں گی۔