لندن :عالمی منڈی میں امریکا اور ایران کے درمیان کشیدگی کم ہونے کی امید پر خام تیل کی قیمتوں میں نمایاں کمی ریکارڈ کی گئی ہے، قیمتیں گزشتہ دو ماہ کی کم ترین سطح پر پہنچ گئیں۔
عالمی مارکیٹ کے مطابق برطانوی خام تیل کی قیمت 92.57 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) کی قیمت کم ہوکر 86.85 ڈالر فی بیرل کی سطح پر آگئی۔دوسری جانب متحدہ عرب امارات کے مربن کروڈ آئل کی قیمت میں معمولی اضافہ ریکارڈ کیا گیا، جس کے بعد اس کی قیمت 99 ڈالر فی بیرل ہوگئی۔
عالمی مارکیٹ میں تیل کی قیمتوں میں کمی کی بڑی وجہ امریکی صدر ڈونلڈ ٹرمپ کا ایران پر مزید حملوں کے امکانات کو کم قرار دینے والا بیان ہے، جس کے بعد سرمایہ کاروں کے خدشات میں کمی آئی اور خام تیل کی قیمتوں پر دباؤ بڑھ گیا۔
