شوگر کےخاتمے کا علاج، بجلی سےانسولین کنٹرول کرنیوالی ڈیوائس ایجاد

سوئٹزرلینڈ کی ای ٹی ایچ زیورخ (ETH Zurich) یونیورسٹی کے محققین نے ایک جدید تجرباتی ڈیوائس تیار کی ہے جو جسم میں نصب ہونے کے بعد بجلی کی مدد سے خون میں شوگر کی سطح کو کم کر سکتی ہے، جس سے ذیابیطس اور موٹاپے کے خلاف جنگ میں نئی امید پیدا ہو گئی ہے۔
وائرلیس ٹیکنالوجی اور مسلسل شوگر مانیٹرنگ سسٹم پر مبنی یہ ڈیوائس خون میں موجود اضافی گلوکوز کو گلوکونیٹ میں تبدیل کرتی ہے جسے گردے پیشاب کے ذریعے جسم سے خارج کر دیتے ہیں۔ چوہوں پر کیے گئے تجربات کے دوران ڈیوائس نے خودکار طور پر شوگر کی سطح کو کنٹرول کرنے کے ساتھ ساتھ جسم میں ذخیرہ شدہ چربی کے استعمال میں بھی اضافہ کیا۔ دنیا بھر میں 2.5 ارب سے زائد افراد اس مشترکہ مسئلے سے متاثر ہیں، تاہم ماہرین کا کہنا ہے کہ انسولین یا ادویات کے متبادل کے طور پر انسانوں میں اس کی افادیت و حفاظت ثابت کرنے کے لیے مزید کلینیکل ٹرائلز درکار ہوں گے۔