بھریا سٹی رپورٹ مجاہد علی مغل:
بھریا روڈ میں نامعلوم ملزمان نے حمزہ موبائل شاپ کو نشانہ بناتے ہوئے قیمتی سامان لوٹ لیا۔ شہر میں روز بروز بڑھتی ہوئی ڈکیتی اور چوری کی وارداتوں نے تاجر برادری اور شہریوں کو سخت تشویش میں مبتلا کر دیا ہے۔واقعے کے بعد مقامی تاجروں میں شدید غم و غصہ پایا جاتا ہے۔ تاجر رہنماؤں نے پولیس اور ضلعی انتظامیہ سے پرزور مطالبہ کیا ہے کہ:واردات میں ملوث ملزمان کو فی الفور گرفتار کیا جائے۔دکان سے لوٹا ہوا تمام قیمتی سامان برآمد کیا جائے۔شہر کے تجارتی مراکز اور بازاروں میں سیکیورٹی کے سخت انتظامات کیے جائیں تاکہ تاجر محفوظ ماحول میں اپنا کاروبار جاری رکھ سکیں۔
