مٹیاری رپورٹ عامر علی انڑ
مٹیاری کی تعصیل نیو سعیدآباد کے مقام پر مسافر وین اور کار میں خوفناک تصادم، نواب شاہ سے تعلق رکھنے والے دیوان خاندان کے 6 افراد شدید زخمی
نیو سعید آباد کے مقام پر مہران ہائی وے پر بکر جمالی چوک کے قریب تیز رفتار مسافر وین اور کار کے درمیان آمنے سامنے زوردار تصادم کے نتیجے میں نواب شاہ سے تعلق رکھنے والے دیوان خاندان کے 6 افراد شدید زخمی ہوگئے حادثے میں کار سوار تین بہنیں، دو بھائی اور ان کی بھابھی سمیت 6 افراد زخمی ہوئے۔ زخمیوں میں ساحل کمار، مہیش کمار، انیشا کمار، نکشا کمار، نیشا کمار، دکشا کمار اور بیوش کمار کے نام شامل ہیں۔
حادثے کے بعد زخمیوں کو حیسکو عملے نے فوری طور پر تعلقہ اسپتال نیو سعید آباد منتقل کیا، جہاں انہیں ابتدائی طبی امداد فراہم کی گئی۔ تاہم زخمیوں کی حالت تشویشناک ہونے کے باعث انہیں مزید علاج کے لیے لمس اسپتال حیدرآباد منتقل کردیا گیا آخری اطلاعات تک حادثے کا شکار مسافر وین اور کار جائے حادثہ پر موجود تھیں۔