ویلنگٹن: بھارت نے شاندار اور جارحانہ کارکردگی کا مظاہرہ کرتے ہوئے میزبان نیوزی لینڈ کو تیسرے ٹی ٹوئنٹی میچ میں 6 وکٹوں سے شکست دے دی ہے۔ اس فتح کے ساتھ ہی پانچ میچوں کی سیریز میں بھارتی ٹیم نے 3-0 کی ناقابلِ شکست برتری حاصل کر لی ہے۔ٹاس ہار کر پہلے بیٹنگ کرتے ہوئے نیوزی لینڈ کی ٹیم نے مقررہ 20 اوورز میں 3 وکٹوں کے نقصان پر 198 رنز کا بڑا اسکور بورڈ پر سجایا۔ کیوی بیٹر ڈیرل مچل نے ذمہ دارانہ بیٹنگ کرتے ہوئے ناٹ آؤٹ 89 رنز (52 گیندیں، 5 چھکے، 5 چوکے) کی شاندار اننگز کھیلی۔ اس کے علاوہ فن ایلن نے 40 اور بیوون جیکبز نے ناٹ آؤٹ 39 رنز بنائے۔ بھارت کی جانب سے ارشدیپ سنگھ اور نتیش کمار ریڈی نے ایک ایک وکٹ حاصل کی۔
بھارت نے 199 رنز کا ہدف صرف 13.2 اوورز میں 4 وکٹوں کے نقصان پر حاصل کر کے دنیا کو دنگ کر دیا۔ابھیشیک شرما نے نیوزی لینڈ کے بولرز کی ایک نہ چلنے دی اور کرکٹ کی دنیا میں ہلچل مچاتے ہوئے محض 38 گیندوں پر 113 رنز کی تاریخی دھواں دار اننگز کھیلی، جس میں 11 فل چھکے اور 9 چوکے شامل تھے۔ انہوں نے صرف 35 گیندوں پر اپنی سینچری مکمل کی۔
-
ویبھو سوریاونشی نے بھی جارحانہ انداز اپناتے ہوئے 19 گیندوں پر 45 رنز (4 چھکے، 4 چوکے) بنائے۔ دونوں بلے بازوں نے مل کر پاور پلے کے اندر ہی ٹی ٹوئنٹی کرکٹ کی تاریخ کا تیز ترین 100 رنز بنانے کا شاندار ریکارڈ بھی قائم کیا۔
