پسرور (محمد اشفاق بے نقاب نیوز)
ڈپٹی کمشنر سیالکوٹ اویس مشتاق نے تحصیل ہیڈ کوارٹر ہسپتال پسرور کا اچانک اور
سرپرائز دورہ کرکے ہلچل مچا دی۔ ڈی سی نے ہسپتال کے چپے چپے کا تفصیلی جائزہ لیا، جہاں انہوں نے مریضوں کو فراہم کی جانے والی طبی سہولیات، ادویات کی دستیابی اور صفائی کے ناقص یا درست انتظامات کا کڑے انداز میں معائنہ کیا۔دورے کے دوران ڈپٹی کمشنر نے براہِ راست ڈرگ سٹور کا رخ کیا جہاں ادویات کے سٹاک اور فراہمی کا ریکارڈ چیک کیا گیا۔
اس کے بعد انہوں نے ہسپتال میں موجود مریضوں سے براہِ راست مکالمہ کیا اور علاج معالجے کے معیار اور سہولیات کے حوالے سے ان کا فیڈ بیک لیا۔ اس موقع پر انہوں نے ڈائیلسز سنٹر کا بھی دورہ کیا اور وہاں فراہم کردہ سہولیات اور صفائی ستھرائی کے انتظامات کا باریک بینی سے جائزہ لیا۔