ممبئی (شوبز ڈیسک): بالی ووڈ کے شاہنشاہ امیتابھ بچن کو بم سے اڑانے کی سنسنی خیز دھمکی کے باوجود سپراسٹار نے ہر اتوار اپنے مداحوں سے ملنے کی دہائیوں پرانی روایت کو برقرار رکھا۔
یادرہے جمعہ کے روز ممبئی پولیس کو موصول ہونے والے ایک دھمکی آمیز ای میل کے بعد امیتابھ بچن کی رہائش گاہ ’جلسہ‘ (Jalsa) کے باہر فضا میں خوف اور سنسنی کی لہر پھیلی ہوئی تھی، تاہم بگ بی نے اپنے مداحوں کو مایوس نہ کیا۔
سخت ترین سیکیورٹی اور بم ڈسپوزل اسکواڈ کی موجودگی میں امیتابھ بچن نے حسبِ معمول اپنے بنگلے کے باہر جمع ہزاروں شائقین کی طرف ہاتھ ہلا کر ان کا شکریہ ادا کیا۔ اس موقع پر ان کے بیٹے اور اداکار ابھشیک بچن بالکل اپنے والد کے پیچھے الرٹ کھڑے رہے اور ایک لمحے کے لیے بھی ان کی نظریں ہجوم سے نہ ہٹائیں۔
ای میل میں کیا لکھا تھا ؟
جمعہ کے روز ممبئی پولیس کو ایک نامعلوم بھیجنے والے کی جانب سے ایک ہنگامی ای میل موصول ہوئی جس میں بچن فیملی کی رہائش گاہ کو بم سے اڑانے کی دھمکی دی گئی تھی تاہم ممبئی پولیس کا کہنا ہے کہ ای میل میں یہ واضح نہیں کیا گیا تھا کہ بگ بی کے کس بنگلے (جلسہ، پرتیكشا یا جنک) کو نشانہ بنایا جائے گا۔
#AmitabhBachchan took some time to show his heartfelt appreciation to his fans, waving his hands high from outside his house, #Jalsa, with his son #AbhishekBachchan standing right beside him. ❤️
#FilmfareLens https://t.co/DZH8T98Oj8
— Filmfare (@filmfare) October 25, 2026
: دھمکی آمیز خط کے فوراً بعد ممبئی پولیس، اینٹی ٹیررازم اسکواڈ (ATS) اور بم ڈسپوزل اسکواڈ نے ’جلسہ’ کے اطراف کا کنٹرول سنبھال لیا اور اتوار کے روز پولیس اہلکاروں کی بھاری نفری تعینات کی گئی۔
ان تمام تر سیکیورٹی خدشات اور ابھشیک کی کڑی نگرانی کے باوجود امیتابھ بچن کا باہر نکل کر مداحوں سے ملنا بالی ووڈ میں ان کی بے باکی اور جرات کی بڑی مثال قرار دیا جا رہا ہے۔ممبئی پولیس کے سائبر سیل نے ای میل کے آئی پی ایڈریس (IP Address) کی ٹریسنگ شروع کر دی ہے تا کہ یہ معلوم کیا جا سکے کہ یہ ای میل کس نے اور کہاں سے بھیجی تھی۔ فی الحال پولیس علاقے میں مسلسل گشت کر رہی ہے اور ملزم کی گرفتاری کے لیے چھاپے مارے جا رہے ہیں۔