عمرکوٹ (بیورو رپورٹ: ڈاکٹر ایم لال واگھانی، عمرکوٹ)
مین عمرکوٹ روڈ پر اسٹیئرنگ راڈ نکل جانے کے باعث مہران کار بے قابو ہو کر کھڈ میں جا گری، جس کے نتیجے میں ایک ہی خاندان کے 3 افراد شدید زخمی ہو گئے۔
تفصیلات کے مطابق حادثے میں مصری ولد ساکر گجو، ان کا 7 سالہ بیٹا علی دوست اور اہلیہ سعیدہ شدید زخمی ہوئے۔ حادثے کے فوراً بعد زخمیوں کو ڍورونارو ہیلتھ سینٹر منتقل کیا گیا، جہاں ابتدائی طبی امداد کی فراہمی کے بعد تینوں زخمیوں کی تشویشناک حالت کو مدنظر رکھتے ہوئے انہیں حیدرآباد ریفر کر دیا گیا۔
ذرائع کے مطابق متاثرہ افراد کا تعلق کھپرو کے رہائشی علی حسن ہگورجو کے خاندان سے ہے۔