صاحبزادہ فرحان کا کمال، ٹی ٹوئنٹی انٹرنیشنل میں ابھیشیک شرما کا بڑا ریکارڈ توڑ دیا

قومی کرکٹ ٹیم کے مایہ ناز بیٹر اور اوپنر صاحبزادہ فرحان نے سری لنکا کے خلاف شاندار اور ریکارڈ ساز کارکردگی کا مظاہرہ کرتے ہوئے بھارتی کھلاڑی ابھیشیک شرما کا بڑا ریکارڈ توڑ دیا ہے۔سری لنکا کے خلاف کھیلی گئی تین میچوں کی ٹی ٹوئنٹی سیریز میں صاحبزادہ فرحان نے شاندار بلے بازی کا مظاہرہ کرتے ہوئے مجموعی طور پر 238 رنز اسکور کیے۔ انہوں نے سیریز کے دوران بالترتیب 89، 73 اور 76 رنز کی ذمہ دارانہ اور دلکش اننگز کھیلیں، جس پر انہیں سیریز کا بہترین کھلاڑی قرار دیا گیا۔اس سے قبل یہ عالمی ریکارڈ بھارت کے ابھیشیک شرما کے پاس تھا، جنہوں نے رواں سال افغانستان کے خلاف تین میچوں کی سیریز میں 229 رنز بنا کر یہ سنگ میل عبور کیا تھا۔صاحبزادہ فرحان کی اس تاریخی کارکردگی کی بدولت وہ کسی بھی فل ممبر (Full-Member) ملک کی طرف سے تین میچوں کی دو طرفہ (Bilateral) ٹی ٹوئنٹی سیریز میں سب سے زیادہ رنز بنانے والے بیٹر بن گئے ہیں، جس پر شائقینِ کرکٹ کی جانب سے ان کی بھرپور پذیرائی کی جا رہی ہے۔