خوشاب (راجہ نورالہی عاطف سے)
چیف آرگنائزر لٹریری اینڈ سپورٹس ایکٹیوٹیز ڈسٹرکٹ خوشاب ملک عبدالغفور آصف بوڑانہ نے میڈیا سے خصوصی گفتگو کرتے ہوئے بتایا ہے کہ سالانہ 19ویں منہاج کرکٹ میلہ 2026 کے گرینڈ فائنل کی تیاریاں زور و شور سے جاری ہیں۔ اس سلسلہ میں منعقد ہونے والے گرینڈ فائنل میں شائقین کرکٹ کے لیے بڑا میچ اور خصوصی تفریحی پروگرام کا اہتمام کیا گیا ہے۔انتظامیہ کرکٹ میلہ کے مطابق تقریب میں معروف لوک گلوکار طاہر خان روکھڑی (میانوالی) خصوصی طورپر شرکت کریں گے اور اپنی آواز کا جادو جگائیں گے۔
کرکٹ میلے کی میزبانی و انتظامات میں ایونٹ مینیجر زاہد حمید جوئیہ (مسٹر کرکٹ) اہم کردار ادا کر رہے ہیں، جبکہ اظہر شاداب اور ساجد حمید منتظمین میں شامل ہیں اور ان کے دیگر معاونین بھی بھرپور معاونت کررہے ہیں۔
منتظمین کے مطابق گرینڈ فائنل میں کرکٹ کے شائقین کی بڑی تعداد کی شرکت متوقع ہے، جبکہ کھیل اور موسیقی سے بھرپور اس تقریب کو یادگار بنانے کے لیے خصوصی انتظامات کیے جا رہے ہیں۔