پاکستان میں سعودی عرب کے سفیر نواف بن سعید المالکی نے بدھ کو لاہور میں مسلم لیگ ن کے صدر نواز شریف اور وزیراعلٰی پنجاب مریم نواز سے الوداعی ملاقات کی۔
وزیراعلٰی پنجاب کے دفتر آمد پر سعودی سفیر نواف بن سعید المالکی کا پُرتپاک خیرمقدم کیا گیا۔
مسلم لیگ ن کے صدر نواز شریف اور وزیراعلٰی پنجاب مریم نواز نے نواف بن سعید المالکی کی سفارتی خدمات کو سراہا۔
نواف بن سعید المالکی نے پاکستان میں اپنے قیام کو یادگار قرار دیا اور پُرخلوص میزبانی پر پاکستانی حکومت اور عوام کا شکریہ ادا کیا۔