میاں چنوں: بینقاب نیوز رپورٹر عاصم کمال
منشیات آگاہی و انسداد کے حوالے سے سیمینار چوہدری صاعم مختار نے میزبانی کی۔میاں چنوں میں منشیات سے آگاہی اور منشیات کے خاتمے کے حوالے سے سیمینار کا انعقاد کیا گیا، جس میں ڈی پی او خانیوال محمد عابد وڑائچ نے خصوصی شرکت کی۔پروگرام کی میزبانی چوہدری صائم مختار نے کی، جبکہ ڈی ایس پی محمود اکبر، تمام ایس ایچ اوز اور صحافیوں سمیت دیگر شرکاء نے بھی شرکت کی۔اس موقع پر ڈی پی او خانیوال محمد عابد وڑائچ کا کہنا تھا کہ ضلع خانیوال کو منشیات سے پاک بنانے کے لئے صحافیوں اور معاشرے کے تمام طبقات کے ساتھ مل کر بھرپور کام کیا جائے گا۔ منشیات کے خلاف جنگ میں عوامی شعور اجاگر کرنا اور نوجوان نسل کو اس لعنت سے محفوظ رکھنا انتہائی ضروری ہے۔