نیو جرسی: صدر ڈونلڈ ٹرمپ کے گالف کلب کے قریب نو فلائی زون میں دو مشکوک طیاروں کی پرواز ، اتار لیا گیا!

واشنگٹن: امریکی ریاست نیو جرسی کے علاقے بیدمنسٹر میں صدر ڈونلڈ ٹرمپ کے نجی گالف کلب کے گرد قائم کردہ عارضی اور انتہائی حساس نو فلائی زون (No-Fly Zone) میں داخل ہونے والے دو طیاروں کو امریکی فضائیہ کے لڑاکا طیاروں نے راستے ہی میں روکا اور انہیں بحفاظت ممنوعہ فضائی حدود سے باہر نکالا۔
شمالی امریکی ایرو اسپیس ڈیفنس کمانڈ (NORAD) نے اس واقعے کی باضابطہ تصدیق کرتے ہوئے بتایا کہ اتوار کے روز ایف-16 (F-16) لڑاکا طیاروں نے فوری کارروائی کرتے ہوئے دونوں غیر متعلقہ طیاروں کو روکا۔ فوکس نیوز اور نیویارک پوسٹ کی رپورٹس کے مطابق یہ واقعہ اس وقت پیش آیا جب صدر ٹرمپ وہاں ہفتے کے آخر کی تعطیلات (Weekend) گزار رہے تھے۔