سکھر(ڈویزنل بیوروچیف نصیر لاشاری )
سکھر یونین آف جرنلسٹس (ایس یو جے) کے زیر اہتمام پاکستان فیڈرل یونین آف جرنلسٹس (پی ایف یو جے) کے 76ویں یومِ تاسیس اور آزادیٔ صحافت کی طویلڱ جدوجہد کے حوالے سے سکھر پریس کلب میں ایک پروقار سیمینار منعقد ہوا، جس میں صحافیوں، وکلا، سیاسی، سماجی، مذہبی، تاجر رہنماؤں اور سول سوسائٹی کے نمائندوں نے بڑی تعداد میں شرکت کی۔ سیمینار میں شہید صحافی و اینکر پرسن جان محمد مہر کی برسی کے سلسلے میں قرآن خوانی اور دعائے مغفرت بھی کی گئی۔
سیمینار کا آغاز تلاوتِ کلامِ پاک سے ہوا، جبکہ اسٹیج سیکریٹری کے فرائض ایس یو جے کے عہدیداروں نے انجام دیے۔ تقریب میں پی ایف یو جے کے مرکزی سیکریٹری فنانس لالہ اسد پٹھان، سندھ ہائی کورٹ بار ایسوسی ایشن سکھر کے صدر قربان ملانو، سول سوسائٹی کی رہنما غزالہ انجم، مسلم لیگ (ن) کے رہنما خورشید میرانی، سکھر پریس کلب کے صدر خالد بھانبھن، اسمال ٹریڈرز کے صدر جاوید میمن، وومن یونین آف جرنلسٹس کی صدر سحرش کھوکھر، جے یو آئی سندھ کے سیکریٹری جنرل راشد محمود سومرو سمیت مختلف مکاتبِ فکر سے تعلق رکھنے والی شخصیات شریک ہوئیں۔ جاوید جتوئی کا خطاب سکھر یونین آف جرنلسٹس کے صدر جاوید جتوئی نے شرکاء کو خوش آمدید کہتے ہوئے کہا کہ سکھر پریس کلب ہمیشہ آمریت، سنسرشپ اور آمرانہ رویوں کے خلاف جدوجہد کا مرکز رہا ہے۔ انہوں نے کہا کہ ایس یو جے سندھ بھر کے صحافیوں کے لیے ایک ماں جیسا ادارہ ہے، جو ہر مشکل وقت میں صحافی برادری کے ساتھ کھڑا رہا ہے۔ انہوں نے امید ظاہر کی کہ یہ سیمینار آزادیٔ صحافت اور صحافیوں پر بڑھتے ہوئے دباؤ کے خاتمے کی جدوجہد میں اہم سنگِ میل ثابت ہوگا۔سحرش کھوکھر کا اظہارِ خیال
وومن یونین آف جرنلسٹس کی صدر سحرش کھوکھر نے کہا کہ پی ایف یو جے محض ایک تنظیم نہیں بلکہ ایک مضبوط ادارہ ہے، جو صحافیوں کے حقوق کے تحفظ کے لیے مسلسل جدوجہد کر رہا ہے۔انہوں نے کہا کہ پی ایف یو جے کی قیادت ہمیشہ صحافی برادری کی خوشی اور غم میں شریک رہی ہے۔ انہوں نے شہید جان محمد مہر کو زبردست خراجِ عقیدت پیش کرتے ہوئے کہا کہ وہ ان کے استاد تھے اور ان سے بہت کچھ سیکھنے کا موقع ملا، ان کی خدمات ہمیشہ یاد رکھی جائیں گی۔غزالہ انجم کا خطاب پیپلز پارٹی اور سول سوسائٹی کی رہنما غزالہ انجم نے کہا کہ سکھر پریس کلب آ کر ہمیشہ حوصلہ اور تقویت ملتی ہے۔ انہوں نے کہا کہ لالہ اسد پٹھان کی قیادت میں پریس کلب عام آدمی کے مسائل کے حل کے لیے مؤثر کردار ادا کر رہا ہے۔ انہوں نے کہا کہ ادارے بڑی محنت سے بنتے ہیں اور انہیں فعال رکھنا اس سے بھی زیادہ مشکل ہوتا ہے۔ انہوں نے کہا کہ آج شہید جان محمد مہر کی بہت یاد آ رہی ہے، وہ ہر اہم معاملے پر رہنمائی کرتے تھے اور صحافی برادری ان کے مشن کی وارث ہے۔
خورشید میرانی کی گفتگو مسلم لیگ (ن) کے رہنما خورشید میرانی نے کہا کہ سکھر پریس کلب نے ہمیشہ حقائق پر مبنی صحافت کو فروغ دیا اور عوام کی آواز بلند کی ہے۔ انہوں نے کہا کہ صحافی معاشرے کے مستقبل کی سمت متعین کرنے میں اہم کردار ادا کرتے ہیں، اس لیے ان کی آواز کو ہمیشہ سنجیدگی سے لیا جاتا ہے۔ انہوں نے شہید جان محمد مہر کے قاتلوں کی عدم گرفتاری پر افسوس کا اظہار کرتے ہوئے فوری انصاف کا مطالبہ کیا۔جاوید میمن کا خطاب سکھر اسمال ٹریڈرز کے صدر جاوید میمن نے کہا کہ پی ایف یو جے کے یومِ تاسیس پر سیمینار کا انعقاد خوش آئند ہے۔ انہوں نے لالہ اسد پٹھان کی خدمات کو سراہتے ہوئے کہا کہ انہوں نے دن رات محنت کرکے سکھر کا نام ملک بھر میں روشن کیا۔ انہوں نے کہا کہ سکھر کے صحافی ہمیشہ حق اور سچ کا ساتھ دیتے آئے ہیں اور انہیں قلم کی طاقت سے مظلوموں کی آواز بنتے رہنا چاہیے۔خالد بھانبھن کا خطابسکھر پریس کلب کے صدر خالد بھانبھن نے کہا کہ پی ایف یو جے 2 اگست 1950ء کو قائم ہوئی اور اس کی 76 سالہ جدوجہد صحافتی تاریخ کا روشن باب ہے۔ انہوں نے کہا کہ مارشل لا ہو یا جمہوری ادوار، پی ایف یو جے نے ہر دور میں آزادیٔ صحافت کے لیے بھرپور جدوجہد کی۔ انہوں نے کہا کہ آج بھی پی ایف یو جے اپنی مرکزی قیادت کے ساتھ صحافیوں کے حقوق کے تحفظ کے لیے سرگرم عمل ہے۔ انہوں نے شہید جان محمد مہر کو خراجِ عقیدت پیش کرتے ہوئے مطالبہ کیا کہ ان کے قاتلوں کو فوری گرفتار کرکے قانون کے مطابق سزا دی جائے۔لالہ اسد پٹھان کا تفصیلی خطاب