(سیالکوٹ سے سٹی رپورٹر مہر علی رضا)
سیالکوٹ کے ایک نجی میرج ہال میں آل پاکستان گجر ایسوسی ایشن (رجسٹرڈ) ضلع سیالکوٹ کی نومنتخب باڈی کی پروقار حلف برداری تقریب منعقد ہوئی، جس میں گجر برادری کے معززین، سماجی و سیاسی شخصیات تاجر رہنماؤں اور مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی تقریب میں چوہدری محمد عباس گجر پڈانہ نے آل پاکستان گجر ایسوسی ایشن (رجسٹرڈ) ضلع سیالکوٹ کے صدر کے عہدے کا حلف اٹھایا، جبکہ دیگر نومنتخب عہدیداران نے بھی اپنے اپنے عہدوں کا حلف لیا۔ شرکاء نے نومنتخب قیادت کو مبارکباد دیتے ہوئے اس امید کا اظہار کیا کہ نئی باڈی گجر برادری کے اتحاد، فلاح و بہبود اور سماجی ترقی کے لیے مؤثر کردار ادا کرے گی تقریب کے چیف گیسٹ مولوی محمد عبدالشکور گجر بیسٹ ہند آف میاں محمد نواز شریف تھے، جبکہ مہمانانِ خصوصی میں رکنِ قومی اسمبلی (ایم این اے) چوہدری ارمغان سبحانی، چیئرمین پنجاب لینڈ ریکارڈ اتھارٹی چوہدری طارق سبحانی، چوہدری مقبول گجر، چوہدری پولی گجر، ڈاکٹر محمد خالد (سی ای او خالد میڈیکل انسٹیٹیوٹ)، آل پاکستان گجر ایسوسی ایشن کے مرکزی چیئرمین ثناء اللہ غوثوی، پنجاب کے صدر ارشد ضیاء گجر، گوجرانوالہ کے صدر سجاد گجر اور ڈسکہ سے ڈاکٹر محمد اقبال گجر سمیت دیگر ممتاز شخصیات نے شرکت کی مقررین نے اپنے خطابات میں کہا کہ گجر برادری نے ہمیشہ ملک کی تعمیر و ترقی، قومی یکجہتی اور سماجی خدمت میں اہم کردار ادا کیا ہے۔ نومنتخب ضلع صدر چوہدری محمد عباس گجر پڈانہ نے اپنے خطاب میں تمام مہمانوں، بزرگوں اور تنظیمی عہدیداران کا شکریہ ادا کرتے ہوئے اس عزم کا اظہار کیا کہ وہ اپنی پوری ٹیم کے ساتھ گجر برادری کی خدمت، نوجوانوں کی حوصلہ افزائی، باہمی اتفاق و اتحاد کے فروغ اور عوامی مسائل کے حل کے لیے ہر ممکن اقدامات کریں گےاختتام پر نومنتخب عہدیداران کو مبارکباد پیش کی گئی، جبکہ ملک و قوم کی سلامتی، استحکام، خوشحالی اور ترقی کے لیے خصوصی دعا کی گئی۔ شرکاء نے اس تقریب کو گجر برادری کے اتحاد، تنظیمی استحکام اور مستقبل کی مضبوط قیادت کی جانب ایک اہم پیش رفت قرار دیا۔