اشفاق سلہری سے
کراچی سے پنجاب أنے والی مال گاڑی اڈیرو لال اسٹیشن کے قریب وھاب شاہ اسٹیشن کے مقام پر پٹڑی سے اتر گئی۔ امدادی کام شروع ۔ کئی مسافر ٹرینوں کو مختلف اسٹیشنز پر روک لیا گیاحادثے میں مال گاڑی کے 17 ڈبے پٹڑی سے اتر گئے، جس کے باعث ریلوے کے اپ اور ڈاؤن دونوں ٹریک بند ہو گئے۔اس واقعے کے نتیجے میں کراچی سے پنجاب أنے والی اور پنجاب سے کراچی جانے والی متعدد ٹرینوں کو مختلف ریلوے اسٹیشنوں پر روک دیا گیا ہے۔ریلوے ذرائع کے مطابق مال گاڑی کے ڈبوں کو دوبارہ پٹڑی پر چڑھانے اور ریلوے ٹریک کی بحالی کے لیے کوٹری سے کرین طلب کر لی گئی ہے۔ ٹریک کی بحالی کے بعد ٹرینوں کی آمد و رفت دوبارہ معمول کے مطابق بحال کر دی جائے گی۔ ریلوے ٹریک کی جلد بحالی کے لئے کام شروع کردیا گیا ہے ۔ ریلوے کے دونوں ٹریک بند ہونے کی وجہ سے پنجاب سے أنے اور جانے والی کئی مسافر گاڑیوں کو ٹنڈوأدم ۔ شہدادپور ۔ سرہاری ۔ نواب شاہ اسٹیشنوں پر روک دیا گیا ہے