سیالکوٹ۔ سلیم احمد اعوان شیخو
ڈسٹرکٹ پولیس آفیسر ڈی پی او سیالکوٹ کیپٹن ریٹائرڈ دوست محمد، ایس پی انویسٹی گیشن سیالکوٹ محمد حسیب راجہ اور ڈی ایس پی ہیڈ کوارٹر محمد خلیل ملک نے ڈسٹرکٹ پولیس لائنز میں تھیلیسیمیا کے بچوں کے لیے بلڈ ڈونیشن کیمپ میں شرکت کی۔خون کی کمی کے بڑھتے ہوئے مسئلہ کے پیشِ نظر سیالکوٹ پولیس، ایلیٹ فورس، ٹریفک پولیس اور دعوتِ اسلامی کے رضاکاروں و دیگر شہریوں نے بڑھ چڑھ کر خون کے عطیات دئیے ۔ڈسٹرکٹ پولیس آفیسر کیپٹن ر دوست محمد نے کہا ہے کہ سیالکوٹ پولیس شہریوں کے جان و مال کے تحفظ کے ساتھ ساتھ معصوم جانوں کو بچانے کے لیے بھی اپنا بھرپور کردار ادا کر رہی ہے۔