سیالکوٹ (سلیم احمد اعوان شیخو)
لاہور سیالکوٹ موٹر وے پر ٹریفک حادثہ میں دو خواتین جاں بحق ہوگئیں۔بتایا گیا ہے کہ لاہور سیالکوٹ موٹر وے پر تیز رفتار ٹرالر نے سوک کار کو ٹکر مار دی جس کے نتیجہ میں 2 خواتین جاں بحق جب کہ بچی سمیت 3 افراد زخمی ہو گئے۔ یہ خاندان سیالکوٹ لاہور موٹر وے سے لاہور جا رہا تھا۔جاں بحق خواتین آپس میں ساس اور بہو ہیں جن کی شناخت 60 سالہ فرزانہ اور 30 سالہ ثناء حمزہ کے طور پر ہوئی۔ زخمیوں میں متوفیہ فرزانہ کے شوہر 60 سالہ ندیم اور متوفیہ ثناء کے شوہر 40 سالہ حمزہ اور ان کی تین سالہ بیٹی میرال شامل ہیں۔معلوم ہوا ہے کہ حادثہ ٹرالر ڈرائیور کو نیند آنے کے باعث پیش آیا کیونکہ ٹرالر ڈرائیور موٹر وئے پر سو گیا تھا جب کہ حادثے کے فوری بعد ڈرائیور ٹرالر سمیت فرار ہونے میں کامیاب ہو گیا۔موٹر وے پولیس ڈرائیور کو تلاش کر رہی ہے۔