سیالکوٹ (سلیم احمد اعوان شیخو)
سٹی سرکل پولیس نے منشیات فروشوں کے خلاف دو الگ الگ کارروائیوں میں ساڑھے پانچ کلو منشیات برآمد کر لیں۔بتایا گیا ہے کہ ڈی ایس پی سٹی سرکل مرزا یوسف رضا کی خصوصی ہدایت پر عملدرآمد کرتے ہوئے منشیات فروشی کے خلاف کارروائیوں کے دوران تھانہ سول لائن پولیس نے بوٹا روڈ پر مخبر کی اطلاع پر کارروائی کرتے ہوئے 3 کلو چرس برآمد کر کے منشیات فروش محمد برہان کو گرفتار کر لیا دوسری کارروائی چیمہ چوک کے قریب کی گئی اور ملزم الراسب کو گرفتار کیا گیا جس کے قبضہ سے اڑھائی کلو چرس برآمد ہوئی دونوں منشیات فروشوں کے خلاف مقدمات درج کر کے تحقیات شروع کر دی گئی ہیں۔