پاکپتن اکرام حسین شاہ
پاکپتن کے مین ساہیوال روڈ پر اڈا چانوٹ کے قریب تیز رفتار ڈمپر بے قابو ہو کر مویشیوں کے ریوڑ پر چڑھ دوڑا، جس کے نتیجے میں 11 قیمتی جانور موقع پر ہی ہلاک جبکہ چار جانور شدید زخمی ہو گئے۔
متاثرہ مالکان کے مطابق حادثے سے انہیں لاکھوں روپے کا مالی نقصان پہنچا ہے۔ ریسکیو کے مطابق حادثے کی زد میں آ کر 22 سالہ نوجوان محبوب علی بھی شدید زخمی دونوں ٹانگیں متاثر۔۔ نوجوان کو تشویشناک حالت میں ڈی ایچ کیو ہسپتال ساہیوال منتقل کر دیا گیا۔حادثے کے بعد ڈمپر ڈرائیور موقع سے فرار ہو گیا۔دوسری جانب حادثے کے باعث مین ساہیوال روڈ پر ٹریفک کی روانی شدید متاثر گاڑیوں کی طویل قطاریں لگ گئیں۔ متاثرہ مالکان نے ذمہ دار ڈرائیور کی فوری گرفتاری، شفاف تحقیقات اور نقصان کے ازالے کا مطالبہ کیا ہے
